اعرف الصبابات(الصمامات)فى الموتوسيكل

 الصبابات هى من اهم القطع داخل الموتور وهما اثنان واحد منهم وهو الاصغر موجود لخروج العادم والثانى لدخول البنزين

 وبيختلف مقاسات الصبابات واحجامهم على حسب حجم البستم كل ما كان البستم حجمه اكبر تجد الصبابات حجمها كبير

 بحيث يتناسب مع كميه الوقود  اللازمه والكافيه للحريق الدافع للبستم ولاخراج العادم الناتج عن حجم  البستم  

 ولفتح الصبابات لابد لهم من تقسيمه تعطيهم الامر بالفتح والغلق فى اوقات محدده فقط فى خلال الاربع اشواط اللى بيعملها البستم فنجد الصباب الكبير وهو صباب الوقود بيفتح فى اثناء نزول البستم لكى يتم سحب البنزين والهواء من الكربرتير اللازم لعمليه الحريق 

ثم يتم غلقه تماما ليسمح بعده بضغط البستم لخليط الوقود(البنزين والهواء) للاعلى فى الشوط الثانى

 وياتى الاشتعال بشراره البوجيه (شمعه الاحتراق)ليبدا الشوط الثالث وهو اهم شوط لانه بقوه الاشتعال  يتم تحريك عامود الكرنك فى اتجاه الدوران وهى الحركه اللازمه  لاداره الموتور والاستفاده منه

 وبعد الشوط الثالث وبانتهاء الضغط للاسفل يبدا اخر شوط وهو الرابع فى اتجاه الاعلى وفى الوقت ده بيفتح صباب العادم

(الصغير)للسماح باخراج العادم الى الشكمان وتفريغ الضغط فوق البستم 

للسماح بالاربع الشواط التاليين  وميعاد فتح الصبابات دقيق جدا ومرتبط ببدايه الاشواط  للبستم وعند التاخير بفتح الصباب فى الشوط الاول يقلل من دخول الوقود وبالتالى ضعف الحريق وبيترتب عليه ضعف عام للموتور

وكذلك عند تأخير الفتح بالشوط الرابع وبالتالى عدم السماح بخروج العادم وده هيسبب سخونه عاليه بسبب ضغط الحريق داخل السلندر وعدم خروجه 

وهذا الضغط بيعمل على عدم صعود البستم بسهوله وبالتالى اضعاف حركه الموتور 

وترتيب كل الحركات للاشواط يبدأ من ترس التقسيمه الكبير او من الكامه العلويه لو الموتور يعمل على جنزير كتينه والاثنين مرتبطين بترس الكرنك اللى بيحدد مكان البستم لكى يتناسق مع حركه الصبابات ولاغلاق الصبابات فى وقت الاشتعال له اهميه كبيره 

 لان اى تسريب للوقود اثناء صعود البستم للشوط الثالث بيكون سبب لخروجه خارج غرفه الحريق وبالتالى نقص فى كميه الوقود لحظه الاشتعال 

وده سبب مهم لتاخير الشغل للموتور وعدم السحب فيه نظرا لضعف كميه الحريق بسبب تفويت الضغط 

 وعند تغيير الصبابات لابد من النظافه مكان الغلق وان لا يوجد اى فراغ فى دليل الصبابات مكان صعود ونزول الصباب نفسه 

وبعد تغيير الصبابات لا تحتاج للتلين زى البستم والشمبر