القطعه دى تسمى عندنا فى مصر ب عروسه التكيهاتوهى بتكون راكبه فى اعلى الموتور تحت الغطا العلوى للموتور وتختلف اشكالها من مكنه لاخرى فمنها العريض ومنا الكنز وطريقه عملهاواحده. وهى استلام الحركه الافقيه لاسياخ التكيهات ونقلها بشكل راسى لتقوم بعملها وهو الضغط على راس الصمامات او ما يسمى بالصبابات لتسمح بالحركه دى لدخول البنزين وخروج العادم وهى لها مقنن مهم جدا وده من خلال المسامير الموجوده على طرفين الشواكيش فى العروسه دى وبظبطها تكون احدثت تنسيق كبير ومهم جدا فى ادخال البنزين وخروج العادم وده للحصول على افضل اداء للموتور من حيث استهلاك البنزين والحفاظ على ضغط الحريق فوق البستم للحصول لاكبر قوه ممكنه للموتور وتلفها يكمن فى صوتها العالى نتيجه التاكل اللى بيحصل فى محاور ارتكاذ الشواكيش الخاصه بها او تجويف للمكان وجود اسياخ التكيهات وده بيسبب كسر لراس اسياخ التكيهات او مسح قلوزه مسامير الظبط او مكان ربط مسامير الظبط
اترك تعليقك مشكورا والرد على التعليقات بيكون فى الوقت المتاح لنا والتمس لنا الاعذار نظرا لضغط الشغل فى ورشتنا