الشواكيس الموجوده بالصوره بتكون راكبه على الجانب الايسر داخل السلندر وبيكون واضح منه الجزئ الدائرى وبه الحفر المستقيم ووجود الحفر ده هو بيان لاتجاه مسمار الربط للبنز ده ووظيفه الشواكيش هى تحويل الحركه الدائريه للبيضاوى الموجود على ترس التقسيمه الكبير لحركه راسيه وبشكله المصمم لتحويل الحركه الراسيه لحركه افقيه للطرف الاخر اللى بيركب فيه اسياخ التكيهات والشواكيش نظرا لفكره تصميمها تتحمل وزن وضغط كبير وسبب الضغط الموجود على الشواكيش هو سوست الصبابات فى الاعلى وشده الضغط وقوته بتكون سبب رئيسى لاصدار اصوات تكتكه عالى لو حصل تااكل للبنز الحامل للشواكيش وشده الضغط
لها تاثير كبير على الجزء السفلى للشواكيش لانه بيستمد حركه الشواكيش بضغط البيضاوى الموجود على ترس التقسيم عليه وى نقص فى الزيت داخل الموتور بيكون ليه تاثير كبير جدا على الشواكيش وبسبب تاكل للجزئين المتلامسين مع ترس التقسيمه او تاكل البنز محور ارتكاذ الشواكيش وده بيسبب اصوات عاليه شبيهه لصوت التكيهات ولكن بتكون حدتها اعلى ويوجد اولسيه للبنز لمنع خروج الزيت من داخل السلندر واهم مشاكله انه بيجف من سخونه السلندر ويرشح زيت وخامه الاولسيه بتكون الفيصل الوحيد بين انه يرشح زيت او لا وبيكون موجود ورده من الصلب غير مستقيمه وهى بتقوم بعمل سوسته للضغط على الشواكيش من الخلف لتقليل الفراغ بين الشواكيش وبالتالى تقليل الاصوات الصادره من الشواكيش ويمكنك الاستعانه بورده اضافيه من نفس الشكل لاحكام الشواكيش بشكل افضل لو استدعى الامر
اترك تعليقك مشكورا والرد على التعليقات بيكون فى الوقت المتاح لنا والتمس لنا الاعذار نظرا لضغط الشغل فى ورشتنا